Hvenær myndast hálka?
Algengustu aðstæðurnar eru þessar:
- Hiti um frostmark og bleyta á yfirborði
- Heiðskír nótt eftir blautan dag
- Rigning eða slydda sem fellur á frosið plan
- Snjór sem þjappast undir bílum og verður að klaka
- Hláka á daginn og frost á nóttunni
Salt eftir mokstur
Eftir mokstur situr oft þunnt lag af snjó eða bleytu eftir á planinu. Ef frystir á eftir verður það að hálku. Þess vegna velja margir mokstur og salt saman.
Hvað gerir saltið?
Salt lækkar frostmark vatnsins svo bleytan frýs síður. Það virkar best þegar hitinn er nálægt frostmarki.
Hvenær förum við af stað?
Saltbíllinn fer um þegar hálkar, dag sem nótt, og staðir á listanum með hálkuvörn eru á leiðunum á hverri vakt. Við fylgjum veðurspá og reynum að koma á undan hálkunni, en stundum kemur hún óvænt.
Bara salt, bara mokstur eða hvort tveggja
Þú velur. Sumar nætur er bara hálka og þá fer saltbíllinn einn. Aðrar nætur þarf að moka og salta á eftir.
Það sem þú getur gert
Nokkur atriði draga úr hálku á þínu plani:
- Haltu niðurföllum opnum svo vatn safnist ekki á planinu
- Láttu okkur vita af stöðum þar sem vatn safnast og frýs, t.d. undir þakrennum
- Láttu okkur vita af svæðum sem á ekki að salta, t.d. við gróður — við skráum það fyrir staðinn