Greitt fyrir hvert skipti
Hvert skipti sem við mokum eða söltum er ein færsla á reikningnum. Ef það snjóar oft í sömu vikunni mætum við í hvert skipti og þú greiðir fyrir þau skipti. Ef ekkert snjóar í mánuð kemur enginn reikningur.
Hvað ræður verðinu?
Verðið fyrir hvert skipti byggir á nokkrum atriðum:
- Stærð og gerð staðarins — hvert plan fer í verðflokk
- Þjónustan — mokstur og salt eru verðlögð hvort fyrir sig
- Hvort staðurinn er á listanum eða um stakt útkall er að ræða
- Tími umfram það sem er innifalið í verðflokknum
Verðflokkar og innifalinn tími
Hver staður fer í verðflokk eftir stærð. Í hverjum flokki er ákveðinn tími innifalinn í hverju skipti.
Ef verkið tekur verulega lengri tíma en venjulega, til dæmis eftir mikinn skafrenning, getur bæst við aukatími í hálftíma einingum.
Forgangur
Sumir staðir eru með forgang í mokstri gegn álagi. Forgangur þýðir að staðurinn er framarlega á leiðinni, ekki að hann sé alltaf fyrstur.
Listinn og stök útköll
Staðir á listanum eru á leiðunum á hverri vakt og fá betra verð en stök útköll. Stök útköll tökum við þegar tími gefst á milli leiða, og þau eru verðlögð hvert fyrir sig.
Virðisaukaskattur
Virðisaukaskattur bætist ofan á verðið á reikningnum.
Áður en við byrjum
Við skoðum staðinn og förum yfir verðið með þér áður en fyrsta skiptið er unnið, svo ekkert komi á óvart. Það kostar ekkert að skrá sig og engin skuldbinding fylgir.
Reikningurinn kemur einu sinni í mánuði með yfirliti yfir hvert skipti. Ef fleiri en einn greiðandi deilir stað má skipta reikningnum á milli þeirra.